Христианская церковь Дом Божий

Աստված հայտնեց Իր անսահման սերը՝  զոհելով Իր միածին Որդուն աշխարհի ողջ մարդկության հոգիների փրկության համար:
Մեղքը թունավորում է մարդկանց կյանքերն ու հոգիները: Եթե չլիներ Հիսուս Քրիստոսի զոհաբերությունը՝  ամեն հոգի  մեղքի պատճառով դժոխք պիտի գնար:
Բայց փառք Երկնային Հորը, որ սիրեց մեղավոր մարդկանց: Այսօր Նրա Որդի Հիսուս Քրիստոսի խաչելության և հարության շնորհիվ մենք ունենք փրկություն և հավիտենական կյանքի հույս:

Ոմանց կարծիքով մարդը պիտի  միայն բարի գործեր կատարի երկրի վրա, որպեսզի փրկություն ունենա:

Շատերն էլ առաջնորդվում են նրանով, որ իրենք արդեն ծնված օրից քրիստոնյա են ու կարիք չունեն Աստծո տան մեջ լինելու, Նրա խոսքը լսելու, որից էլ գալիս է փրկության  հավատքը:

Հավատաս, թե չհավատաս՝  Հիսուս Քրիստոս Փրկիչը խաչվել ու հարություն է առել հենց քեզ համար, և այսօր Նա կանգնած  է քո սրտի դռան հետևում և թակում է սրտիդ դուռը:

Եթե թույլ տաս՝  Նա կմտնի քո կյանք, կօրհնի ու հոգու փրկություն կտա քեզ:

Հավատա և հետևիր Հիսուսին, ու դու կունենաս օրհնված կյանք երկրի վրա և քո Փրկչի հետ հավերժ կյանք երկնքում:

Քրիստոսն է մեր Զատիկը:

Ամեն

Մոտենում է Սուրբ Զատիկը,
Հիսուս Փրկիչ մեզ տրվեց,
Իր զոհով Նա հաղթական
Հարությամբ փառավորվեց:
Տերը կանգնած դռան հետևում
Լուռ թակում է ու շշնջում․
— «Բաց արա՛ սրտիդ դուռը,
Որ գամ ու տամ քեզ հաղթանակը:
Այն շնորհ է, ձրի պարգև,
Իմ արյունով եմ դա ստացել:
Եկ վերցրու՛ այս նվերը,
Սա է սիրո Իմ հրավերը:
Դարձիր զավակն Իմ,
Հաշտվիր Երկնային Հոր հետ,
Որ երջանիկ լինես ու ապրես հավետ»: