Սուրբ Ծնունդը Հիսուս Քրիստոսի‏

Սուրբ Ծնունդը Հիսուս Քրիստոսի‏

Քրիստոնեական ողջ աշխարհը մեծ ցնծությամբ տոնեց Փրկչի Սուրբ Ծնունդը:

Աշխարհը Սուրբ Ծնունդը տեսնում է որպես խնջույքի, համեղ ուտեստների և նվերներ տալ և ստանալու տոն:

Իհարկե սա լավ է, բայց Փրկչի Ծնունդի իմաստը բոլորովին այլ է:

Ցավոք, քչերն են հասկանում դրա իրական իմաստը և նշում այն ուրախ և ճիշտ մթնոլորտում:

Հիսուսի գերբնական ծնունդը Սուրբ Հոգով՝ փոխեց մարդկության պատմության ողջ ընթացքը:

Երկնքում թողնելով Իր փառքը, Նա իջավ երկիր, մարդացավ հագնելով մարդկային մարմին, որպեսզի կատարի հոգիների փրկության գործը:

Հիսուս Քրիստոսը եկավ, որ ես և դու ունենանք հավիտենական կյանք:

Սուրբ Ծնունդը լույսի, հույսի և ուրախության տոն է:

Այս առիթով Կորտրեյկի հայ ավետարանական «Աստծո տուն» եկեղեցին կազմակերպեց տոնակատարություն Փրկչի Ծնունդը տոնելու համար:

Ներկայացվեց երգ, պար, բեմադրություն,որի միակ նպատակը Տիրոջը փառավորելն էր և աշխարհին Աստծո «Բարի լուր» -ը ավետարանելը․

«Աստված այնպես սիրեց աշխարհը, որ Իր Միածին Որդուն տվեց, որ ամեն Նրան հավատացողը չկորչի, այլ կյանք ունենա հավիտենական»:

Եկեղեցու հովիվ Արթուր Նազարյանը Աստծո խոսքով հորդորեց մարդկանց, որ կա հույս, որ պետք չէ խավարում խարխափել:

Եթե ունես դժվար պահեր, մեղքեր՝, ներում խնդրիր Տիրոջից, դարձիր դեպի Տերը և Նա ուրախությամբ  կընդունի քեզ:

Կարևորը այն չէ, թե որքան նվերներ կտաս կամ կստանաս, որքան ճոխ և առատ կլինի սեղանդ, այլ կարևորը այն է, սիրելի ընթերցող, որ Հիսուսը որպես Տեր և Փրկիչ ծնվի քո սրտում ու Իր կամքի համեմատ թագավորի քո կյանքում:

Տոնական երեկոն ավարտվեց մեծերին և փոքրերին նվերներ հանձնելով:

 Թող Քրիստոս Փրկիչը ամեն վայրկյան ծնվի մեր սրտերում:

1000_IMG_8104 1000_IMG_8115 1000_IMG_8122 1000_IMG_8130 1000_IMG_8141 1000_IMG_8177 1000_IMG_8190 1000_IMG_8203

Фото: Анна В.

Уважаемый посетитель,

В связи с техническими работами наш сайт будет недоступен в четверг 15-го марта, с 20.00 до 23.00 Прямого эфира так-же не будет.

Благодарим за понимание