Օրերս Բելգիայի Կորտրեյկ քաղաքի «Աստծո տուն» եկեղեցին Գենտ քաղաքի «Աստծո տուն» մայր եկեղեցում ջերմ և տոնական
մթնոլորտում տոնեց իր 5 ամյակը:
Տոնակատարությանը մասնակցում էին հովիվներ, քույրեր, եղբայրներ Ֆրանսիայից, Հոլանդիայից, Գերմանիայից, ԱՄՆ-ից, Իսրաելից և Հայաստանից:
Տոնական համեղ ճաշկերույթին հետևեց եկեղեցու կողմից կազմակերպված տոնական հրաշալի ծրագիրը: Երգ ու պարով, բեմադրությունով, ասմունքով հանդես եկան եկեղեցու անդամները, պատանեկան երգչախումբն ու մանուկները: Այս եկեղեցու ստեղծմամբ շատերը ունեցան ջերմ ընտանիք և հնարավորություն՝ փրկության բարի լուրը Եվրոպայում տարածելու: Աստված Իր հզոր ձեռքը և ողորմությունը ցույց տվեց Իրեն անկեղծ փնտրող և Իր կամքը կատարող ծառայողների կյանքերում: Տոնական երեկոն ավարտվեց ծննդյան տորթով և աղոթքով: Վերջում եկեղեցու հովիվ Արթուր Նազարյանը իր շնորհակալությունը հայտնեց եկեղեցու անդամներին այս տարիներին իր կողքին լինելու, քաջալերելու, աջակցելու և Տիրոջ գործը հավատքով ու հավատարմությամբ իրականացնելու համար:
Copyright © Sarkis Bagramian 2005-2015
