“Աստծո տուն” եկեղեցին Կորտրիկում 4 տարեկան է‏

Սեպտեմբերի 14-ին Կորտրիկում  “Աստծո տուն”  եկեղեցին տոնեց եկեղեցու ծննդյան 4 ամյակը:
Տերն է ամեն մի ծնունդին շունչ ու կյանք տվողը և Նրա սուրբ կամքով  ստեղծվեց այս եկեղեցին:
Եկեղեցում ծառայող քույր, եղբայրները, մանուկներն ու պատանիները, Աստծո տված տաղանդներով փառավորեցին
Տիրոջը և ուրախացրեցին ներկա գտնվողների սրտերը:
Եկեղեցու պատանիները  “Իմաստուն և Անխելք մարդու” աստվածաշնչյան առակով հրաշալի երգ-բեմադրություն
ցուցադրեցին, որի հիմքում Աստծո Խոսքն է:
Եթե մարդը հույսը դնում է Տիրոջ վրա, նա չի կործանվի՝  կապրի և երբեք չի ամաչի, բայց ամոթով կմնան և չեն օրհնվի այն մարդիկ,
որոնց հույսը իրենց ուժն ու կարողությունն է, խելքն ու հարստությունը:
Քույրերի երգ-պարի խոսքերն էր․

 “Երբ Հիսուսն ասում է այո՛,

  Ոչ ոք չի կարող ասել ո՛չ,

  Ես չեմ վախենա,  չեմ անհանգստանա,

  քանզի Տերն է ինձ օգնական:

  Ուր առաջնորդի Տերն ինձ, կգնամ ես,

  Չեմ վախենա, քանզի Տերը հսկում է ինձ:

  Չկան սահմաններ այն ամենի մեջ ինչ անում ես Դու Տե՛ր,

  Ամեն բան պատկանում է Քեզ իմ Աստված,

  Դու՛ ես Ամենակարողը և Ամենահզորը,

   Քեզանով և Քեզ է պատկանում ամեն բան”

Ով Աստծո մարդ, հանձնի՛ր քո ճանապարհները Աստծուն և Նրան հուսա, բարիք գործիր Տիրոջ փառքի համար

և կտեսնես Նրա Զորավոր ձեռքը քո  կյանքում:

 Թող Աստված օրհնի քեզ!