«Բարի Լուր» եկեղեցու հովիվ Դմիտրի Պասիչնիկը Կորտրեյկում
2015 թ․ հոկտեմբերի 18-ին Բելգիայի Կորտրեյկ քաղաքի «Աստծո Տուն» եկեղեցում Աստծո խոսքով կիսվեց Ֆրանսիայի Նիցա քաղաքի «Բարի Լուր» եկեղեցու հովիվ Դմիտրի Պասիչնիկը:
Դ․ Պասիչնիկը Քրիստոսին ընդունել է 1979 թ․ին Ուկրաինայում, իսկ իր հովվական ծառայությունը սկսել է 1992թ․ից:
Հովվի քարոզը վերաբերում էր Աստծո կենդանի, ամուր հավատին:: Մարդուն ստեղծել է Աստված Իր համար, և մարդն էլ ուրանալով իր «եսը» պիտի ապրի Աստծո համար:
Որոշ մարդկանց համար իրենց հավատքի հիմքը տեսանելի հրաշքներն են, մյուսներինը՝ վախը, ավանդույթները և այլն: Սակայն իրական հավատը, որը հաճելի է Աստծուն և ունի լավ հետևանքներ՝ պետք է կառուցվի Աստծո խոսքի հիմքի վրա:
Հովիվը իր քարոզում նշեց, որ մարդը հավատա Աստծուն թե ոչ, դա չի խանգարում Աստծուն Աստված լինելուց: Եթե մարդը կասկածում է Տիրոջ զորությանը, միևնույն է Աստված մնում է նույն հզոր և ամենակարող Աստվածը: Առանց կենդանի հավատի անկարելի է Աստծուն հաճելի լինել:
Դ․Պասիչնիկը իր քարոզը ավարտեց հետևյալ խոսքերով․ «Եղի՛ր այն քրիստոնյան, ով գիտի իր տեղը եկեղեցում, Աստծո կանչի մեջ և գիտի իր կյանքի նպատակը, որի համար էլ Աստված ստեղծել է իրեն»:
